14-ANYOS NA DALAGITA, NASAWI MATAPOS MALUNOD SA IRRIGATION CANAL SA SAGÑAY, CAMARINES SUR

14-ANYOS NA DALAGITA, NASAWI MATAPOS MALUNOD SA IRRIGATION CANAL SA SAGÑAY, CAMARINES SUR ​SAGÑAY, CAMARINES SUR — Patay ang isang 14-anyos na dalagita matapos itong mahulog at malunod sa isang irrigation canal sa Barangay San Roque kahapon, Nobyembre 5. ​Base sa impormasyong ibinahagi ng isang nagngangalang Cy Buban, natagpuan ang biktima sa kanal bandang alas-12:00 ng tanghali. Napag-alaman na ang dalagita ay may sakit na epilepsy, na siyang pinaniniwalaang naging dahilan ng kaniyang pagkahulog sa tubig. ​Agad na nagresponde ang mga tauhan ng Municipal Disaster Risk Reduction and Management Office (MDRRMO) ng Sagñay at mabilis na isinugod ang biktima sa ospital. Sinubukan pa itong i-revive ng mga medical personnel, subalit sa kasamaang-palad ay binawian din ito ng buhay. ​Sa isang Facebook post, pinasalamatan ni Buban ang agarang aksyon ng MDRRMO, bagama't nagpahayag siya ng labis na panghihinayang sa hindi magandang kinahinatnan ng insidente. ​Dakong alas-9:00 kagabi nang maiuwi ang mga labi ng biktima, na kasalukuyan nang nakaburol sa San Roque Barangay Chapel. ​(Courtesy: Cy Buban FB)