TRADISYONG 'BULUNGAN' NG SABANG, ITINAMPOK NG CBSUA SA 'MADYA BAYLE' SHOWCASE

TRADISYONG 'BULUNGAN' NG SABANG, ITINAMPOK NG CBSUA SA 'MADYA BAYLE' SHOWCASE Buhay na buhay ang mayamang kultura ng Bicolandia matapos itampok ng grupong SAMBIT ng CBSUA-Calabanga ang pagtatanghal na "BULUNGAN" sa idinaos na MADYA BAYLE: A Dance Showcase of Bicol’s Cultural Heritage. Sa pamamagitan ng sayaw, ipinakita ng grupo ang natatanging tradisyon ng kalakalan ng isda sa Sabang, Calabanga kung saan pasikretong ibinubulong ang mga tawad at presyo. Ang nasabing pagtatanghal ay hango sa malalim na pananaliksik kultural nina Richard G. Castor at Rosa Ubano-Cid upang isalin ang kasaysayan ng bayan patungo sa sining ng paggalaw. Nagpaabot naman ng pasasalamat ang grupo sa buong komunidad ng CBSUA, sa pangunguna nina University President Dr. Alberto N. Naperi at Campus Administrator Dr. Ernesto D. Doloso Jr., sa patuloy na pagsuporta upang mapagyaman at maipasa sa susunod na henerasyon ang sining at kultura ng Calabanga. #MadyaBayle #Bulungan #SAMBITngCBSUA #CBSUACalabanga #BicolCulturalHeritage #Calabanga #CultureInMotion #BicolNews