LIGTAS ANG BABOY! UNANG ASF VACCINE, APRUBADO NA SA PINAS

LIGTAS ANG BABOY! UNANG ASF VACCINE, APRUBADO NA SA PINAS Good news sa mga hog raiser at sa mga mahilig mag-ulam ng pork! May bagong sandata na ang bansa laban sa salot na African Swine Fever (ASF) matapos aprubahan ng Bureau of Animal Industry (BAI) ang commercial sale ng AVAC ASF LIVE! Ito ang kauna-unahang ASF vaccine para sa mga pinalalaking baboy (fatteners) na pwedeng bilhin sa merkado. Ang nasabing bakuna ay gawa sa Vietnam at layong protektahan ang mga babuyan na halos limang taon nang pinatutumba ng virus. Ayon sa Department of Agriculture (DA), malaking tulong ito para muling maparami ang mga baboy sa bansa, na bumagsak sa 8 milyon mula sa dating 13 milyon bago tumama ang ASF noong 2019. Eto pa ang mga dapat malaman: * MAY ISUSUNOD PA: Isang bakuna pa mula sa South Korea (PROVAC) ang kasalukuyang sinusuri ng BAI para magkaroon ng iba pang pagpipilian ang mga magbababoy. * ₱1 BILYONG SUBSIDIYA: Humihingi ng ₱1 bilyong pondo ang DA para mabigyan ng libre o murang bakuna ang mga backyard raiser o maliliit na magsasaka na pinakanapuruhan sa outbreak. * MUMURA NA ANG PORK? Kapag nagtuloy-tuloy ang pagdami ng baboy, inaasahang mababawasan ang pag-aangkat ng imported na karne at bababa na rin ang presyo ng pork sa mga pamilihan. Paalala ng mga awtoridad, bagamat hindi ito "magic bullet," malaking pampatibay ang bakuna kasabay ng malinis na biosecurity para tuluyan nang mapuksa ang ASF sa bansa!