MGA ARI-ARIAN SA CABUGAO, ILOCOS SUR, NAPINSALA DULOT NG NANALASANG BUHAWI

MGA ARI-ARIAN SA CABUGAO, ILOCOS SUR, NAPINSALA DULOT NG NANALASANG BUHAWI ILOCOS SUR — Isang buhawi ang nanalasa sa bayan ng Cabugao nitong hapon, na nagdulot ng malakas na bugso ng hangin, pag-uulan, at pinsala sa ilang ari-arian sa lugar. Batay sa mga ulat mula sa Ilocos Today, nabuo ang buhawi sa gitna ng masungit na panahon na dala ng Habagat. Kasabay ng pag-alimpuyo nito ang malalakas na hanging sumira sa ilang estraktura at ari-arian ng mga residente. Kasalukuyan nang inaalam ng mga lokal na awtoridad ang kabuuang halaga at sakop ng pinsalang iniwan ng insidente. Wala namang naiulat na nasaktan sa kasalukuyan.