Suspek sa Pamamaril sa ADZU, 'Top 1' Umano sa Klase at Anak ng Awtoridad

Suspek sa Pamamaril sa ADZU, 'Top 1' Umano sa Klase at Anak ng Awtoridad ​ZAMBOANGA CITY — Panibagong mga detalye ang lumutang kaugnay sa pagkakakilanlan ng estudyanteng suspek sa naganap na pamamaril sa Ateneo de Zamboanga University (ADZU) – Tumaga Campus nitong Martes ng umaga, Agosto 18. ​Batay sa mga paunang ulat at ulat mula sa social media, ang suspek na kinilalang si "Nael" ay sinasabing nangunguna o "Top 1" sa kaniyang klase. Ibinahagi umano noon ng pamilya ng suspek ang kaniyang mga academic achievement sa internet, ngunit agad din itong binura matapos ang insidente. ​Bukod dito, lumabas din sa mga inisyal na impormasyon na ang ama ng suspek ay naglilingkod umano bilang isang chief sa Customs Police. ​Sa kasalukuyan, patuloy ang malalimang imbestigasyon ng Zamboanga City Police Office (ZCPO) upang matukoy ang opisyal na motibo sa likod ng trahedya at kung paano nakakuha ng armas ang suspek.