Masbate’s hidden wildlife treasures

Masbate’s hidden wildlife treasures Namataan at nakuhanan ng larawan ang ilang endemic, threatened at migratory wildlife species sa isinagawang biodiversity monitoring sa Bongsanglay Natural Park (BongNP) at Ticao Burias Pass Protected Seascape (TBPPS) sa Barangay Halabangbaybay, San Pascual, Masbate. Kabilang sa mga naitala ang Philippine Duck (Anas luzonica), isang endemic species na classified as Vulnerable, at Giant Golden-crowned Flying Fox (Acerodon jubatus), na classified as Critically Endangered sa ilalim ng DENR Administrative Order No. 2019-09. Naitala rin ang mga migratory shorebird na Eurasian Whimbrel at Grey-tailed Tattler, gayundin ang Striated Heron, Little Egret, Collared Kingfisher, Pacific Swallow, Garden Sunbird, Philippine Bulbul, Coleto, Large-billed Crow at Eurasian Tree Sparrow. Isinagawa ang second semester Biodiversity Monitoring System (BMS) upang maitala ang mga species at masuri ang kondisyon ng flora, fauna at mangrove ecosystem sa protected area. Ayon sa DENR Bicol, gagamitin ang mga nakalap na datos bilang batayan sa conservation at management measures para sa lugar. Ang monitoring ay isinagawa ng Protected Area Management Office ng BongNP at TBPPS sa pangunguna ni Park Operations Superintendent V Rey Samaniego. Photo courtesy: DENR Bicol