VIRAL: Bata, Bida sa Pagkuha ng Nahulog na Cellphone sa Kanal sa Sipocot

VIRAL: Bata, Bida sa Pagkuha ng Nahulog na Cellphone sa Kanal sa Sipocot SIPOCOT — Isang matapang na batang lalaki ang umani ng papuri matapos siyang patuwarin at ibaba sa bungad ng isang kanal upang makuha ang nahulog na cellphone ng isang estudyante sa Sipocot Market kahapon. Batay sa viral video na kuha ni Joseph Agnas Tigaon, hindi naabot ng may-ari ang kaniyang cellphone dahil sa makitid at malalim na butas ng kanal. Bilang solusyon, nagboluntaryo ang isang bata na pumasok sa siwang habang mahigpit na hawak ng ilang kalalakihan ang kaniyang mga paa upang hindi mahulog. Matagumpay at ligtas na nai-ahon ang bata bitbit ang cellphone nang walang anumang galos. Bilang pasasalamat sa kaniyang kabayanihan, nakatanggap ng pabuya ang bata mula sa tuwang-tuwang may-ari. (Video courtesy: Joseph Agnas Tigaon)