4 DRUG PERSONALITIES, ARESTADO SA PAGTIBAK NG DRUG DEN SA LEGAZPI CITY; ₱170,000 HALAGA NG SHABU, NASAMSAM

4 DRUG PERSONALITIES, ARESTADO SA PAGTIBAK NG DRUG DEN SA LEGAZPI CITY; ₱170,000 HALAGA NG SHABU, NASAMSAM LEGAZPI CITY, ALBAY — Arestado ang apat na indibidwal matapos matagumpay na matibak ng Philippine Drug Enforcement Agency (PDEA) Bicol ang isang drug den sa Brgy. 32, Purok 7, San Roque, Legazpi City noong hapon ng Agosto 10, 2026. Ayon sa PDEA Bicol, kinilala lamang sa mga alyas ang mga suspek: alyas “Joerge,” 46, construction worker; alyas “Jer,” 42, drayber; alyas “Linda,” 44, walang trabaho; at alyas “Jho,” 32, walang trabaho. Isinagawa ang buy-bust operation bandang 2:23 ng hapon sa pamumuno ng PDEA RO5 Regional Special Enforcement Team 2 (RSET 2), kasama ang PDEA Albay Provincial Office, PDEA Catanduanes Provincial Office, PDEA RO5 RSET 1, PDEA Legal and Prosecution Unit (LPU), at Coast Guard Intelligence Unit–Albay. Nasamsam sa operasyon ang humigit-kumulang 25 gramo ng hinalang shabu na may Standard Drug Price na ₱170,000. Kabilang dito ang isang sachet na humigit-kumulang 2.5 gramo na ginamit sa buy-bust transaction at pito pang sachet na may bigat na 22.5 gramo na nakuha sa posisyon ng mga suspek. Nakuha rin ng mga awtoridad ang iba't ibang kagamitang ginagamit sa drug den tulad ng mga lighter, aluminum foil, gunting, pati na ang ₱500 bill na ginamit bilang boodle money kasama ang ilang pekeng pera. Kasalukuyang nasa kustodiya ng PDEA ang mga suspek para sa dokumentasyon at nakatakdang sampahan ng kasong paglabag sa Sections 5, 6, 7, 11, at 12, Article II ng Republic Act 9165 o Comprehensive Dangerous Drugs Act of 2002. Binigyang-diin ng PDEA Bicol na ang matagumpay na operasyon ay nagpapakita ng patuloy na dedikasyon ng ahensya na matibak ang mga drug den at matanggal sa mga kalsada ang mga sangkot sa iligal na droga. 📸: PDEA Bicol